Háskólinn á Akureyri

Fimmtudaginn 8. maí kl. 16:30 stendur skólaþróunarsvið kennaradeildar fyrir fræðslufundi. Þar mun Margrét Þóra Einarsdóttir, kennari í Brekkuskóla fjalla um tengsl morgunverðar við líðan, þyngd og reykingar. Fundurinn fer fram í stofu 16 í Þingvallastræti 23 á Akureyri. Allir eru velkomnir.

Miðvikudaginn 30. apríl mun Guðmundur H. Frímannsson prófessor flytja erindi á málstofu kennaradeildar undir yfirskriftinni „Heimspeki í menntun kennaraefna“. Málstofan hefst kl. 16 í stofu 16, Þingvallastræti. Allir velkomnir.

 

Þriðjudaginn 15. apríl munu Eygló Björnsdóttir lektor og Ingólfur Ásgeir Jóhannesson prófessor flytja erindi á málstofu kennaradeildar undir yfirskriftinni „Menntun til sjálfbærrar þróunar: þekking virðing, ábyrgð“. Málstofan hefst kl. 16 í stofu 16, Þingvallastræti. Allir velkomnir.

Fimmtudaginn 3. apríl kl. 16:30 stendur skólaþróunarsvið kennaradeildar fyrir fræðslufundi þar sem Ásta Bryndís Schram, deildarstjóri í Smáraskóla, greinir frá niðurstöðum rannsóknar sinnar á sambandi markvissrar tónlistarþjálfunar og framfara í lestri og stærðfræði. Fundurinn fer fram í stofu 16 í Þingvallastræti 23 á Akureyri. Allir eru velkomnir.